Nau mai, haere mai
Ko te kupu tuatahi, kua tau ai ngā āhuatanga o te Wāhi Ngaro
nā reira nei te kākano i ruia mai i Rangiātea,
arā, nā reira nei tātou katoa.
Ngā mihi maioha ki Te Whare Kāhui Āriki, ki te whare tapu o Pōtatau.
E kīa nei, Kingi Tūheitia ki Paerau, ko Ngā wai hono i te Ao.
Rire, rire, hau, pai mārire.
Ki ō tātou tini aitua, ki a rātou mā kua huri ki tua o te ārai,
hāere koutou, hāere koutou, hāere atu rā.
Rātou te hunga wairua, rātou ki a rātou.
Tātou te hunga pūmautanga, tau atu rā, tau mai nei, e tau ana nei
i runga i te pepeha e paiheretia e tātou.
Tātou ngā waihotanga a rātou mā, tātou ki a tātou.
Te Reo o Ngāti Maru
Tēnei te raukawakawa, i waiwai i roto i Te Puna Wai-ora-o-Tāne
kia pata pata kei runga i tō tinana; ānei te rau kawakawa;
unuhia te peka ki runga; kia whakataka te hau ki te Tonga;
unuhia te peka ki raro; ka whakataka te hau ki te Muri;
kia mākinakina a uta, kia mātaratara ki tai, E hiake ana te atakura;
he tio, he huka, he hau hunga.
Kia whakatū tārewa tū ki te rangi, whakamaua, tīna, Tāiki
Ngā Kurī-a-whārei, ki Mahurangi
Ānei ngā maunga tapu, mai Moehau ka piki ki Te Aroha, peke atu ki te Uru,
ko Te Hapu-a-Kohe, ka heke ki Kohukohunui, tae atu ki Mahurangi,
Ko Tìkapa, ko Te Taitamawahine, ngā moana karekare, ngā moana marino, e hora nei Hauraki te rohe whenua
Marutūāhu te tangata.
Ngāti Maru te iwi.
LATEST NEWS & STORIES
Stay updated with the latest happenings, cultural events, and community stories from Ngāti Maru